Albisteak

 

LEKEITIO ETA INGURUKO EMAKUME SORTZAILE ETA EKINTZAILEEN IV. AZOKAN PARTEHARTZEKO OINARRIAK

Oinarri hauek Lekeitioko Udalak, Lea Artibai Garapen Agentziarekin elkarlanean, antolatzen duen "Lekeitio eta inguruko Emakume sortzaile eta ekintzaileen azoka"n partehartzeko araudia onesten dute. Azoka honek, emakumeek egiten duten lana ikustarazi eta honi presentzia eta indarra ematea du helburu.

 

1. KOKAPENA

Lekeitioko plazan izango da azoka, eta gehienez 12 saltoki jarriko dira. Eguraldi ona badago, plazan bertan izango da eta euria edota haizea iragarrita badago, printzipioz, Kontzijopean izango da, Udaletxe azpian.2. AZOKA EGUNA

2020ko martxoaren 15ean ospatuko da azoka, emakume langilearen Nazioarteko egunaren harira (martxoaren 8).

Erakusketa eta salmentarako ordutegia 12:00etatik 15:00etara izango da.

Partehartzaileek plazan kotxea sartzeko aukera izango dute deskargak egiteko, 10:00etatik 11:30ak arte.

 3. ESKAINIKO DIREN BALIABIDEAK

    • Partehartzaile bakoitzeko gehienez bi mahai eta 2 aulki utziko dira. Mahaiak tolesgarriak dira eta bere neurriak 183 x 75 x 74 dira. Saltokia estalita izan nahi izanez gero, bakoitzak ekarri beharko du horretarako toldoa, itzalkina,…) Udalak ez du estalkirik utziko eta.
    • Azoka hasi baino arinago, partehartzaileek euren materiala plazan deskargatu ahal izateko autoarekin plazara sartzeko udal baimena.
    • Azokan salmenta egiteko udal baimena.

       

 4. AGIRIAK, BETE BEHARREKO BALDINTZAK ETA PROZEDURA

Agiriak:

Agiri hauek erantsi beharko zaizkio eskaera orriari:

    • Eskabide-orria, eredu ofizialean. Aitorpena oso-osorik bete beharko da: eskatutako datu guztiak adierazi ezean,eskabidea ezetsi ahalko da. Aitorpena oso-osorik bete beharko da: eskatutako datu guztiak adierazi ezean,eskabidea ezetsi ahalko da.
    • Eskatzailearen nortasun agiriaren fotokopia.
    • Eskatzailearen erroldatze ziurtagiria. 
    • Eskatzailea Jarduera Ekonomikoetan alta emanda dagoela egiaztatzen duen agiri ofizial eguneratuaren fotokopia, azokan merkaturatzen dituen produktuetako edozeini dagokion kategorian.
    • Merkaturatuko diren produktuen deskribapena, haiek egiteko erabili diren material edo lehengaiak, jarduera berritzailea izatea puntuagarria izango dela kontuan izanda, jardueraren ezaugarriak adierazi.
    • Produktuen argazkiak.

      Bete beharreko baldintzak:

       

        • Emakumea izatea.  
        • Jarduera Ekonomikoetan alta emanda egotea.  
        • Partehartzaile bakoitzak eskaera bakarra aurkeztu ahal izango du.  
        • 18 urtekoa edo 18 urtetik gorakoa izatea.  
        • Sorkuntza eta ekintzailetzaren ondorio diren produktuak eskaintzea.  

Prozedura

 

JATORRIA

 

Lekeitiarra

5 puntu

Lea Artibaiko eskualdekoa

4 puntu

Bizkaitarra

3 puntu

Euskal Herrikoa

2 puntu

Beste jatorriren batekoa

1 puntu

Jarduera berritzailea izatea (teknologi berriekin egindako produktuak, jarduera tradizionaletik haratagoko produktuak eskeintzea,…)

0tik 5ra

Arreta euskaraz izateko aukera ematea bezeroari

5 puntu

Jardunak Lekeition izatea egoitza (saltokia,…)

5 puntu

 

Puntu gehien lortu dituzten 12 eskatzaile aukeratuko dira baina erreserbarako beste 5 geratuko dira, azken momentuko egoeraren batengatik aukeratuak izan direnen bat ordezteko.


5. PARTE HARTZEKO ESKABIDEAK AURKEZTEKO LEKUA ETA EPEA

Lekeitioko Udaleko harreran (Gamarra Kalea, 1) edo emailez (lekeitioberdintasuna@gmail.com) aurkeztu behar dira eskabideak. Emailez aurkeztuz gero, eskabidea jaso dela konfirmatzeko 662429368 telefonora deitu ahalko da.

Izena emateko eskabidea

Eskabideak 2020ko otsailaren 3ko 14:00ak arte jasoko dira. Printzipioz, ez da partehartze eskabiderik onartuko deialdi honetan ezarritako epe ofizialetik kanpo. Bakarrik deialdi honetan ezarritako epe ofiziala amaitzean saltokien kopurua baino eskabide gutxiago jaso badira onartu ahal izango da epea gainditu ostean aurkeztutako eskabideak.

Esan bezala, guztira 12 saltoki izango dira. Horietatik 1 Udalak emakumeei zuzendutako gizarteratze-enpresentzako eta/edo, besteak beste, bidezko merkataritzarako edo emakumezkoen bestelako ekintzak ikusarazteko erreserbatu dezake. Saltoki hori ez bada betetzen, hau gainerako eskatzaileen artean banatuko da.