Albisteak

 

Lekeitioko Udalak aste batzuk barru auzoko azterlan sozio urbanistikoa eta bere  birgaitze integratuko plan berezia egiteari ekingo dio.

Helburua, San Andres auzoa “lehentasunezko eskuhartze gunea” izendatzea da. Izendapen hori lortuz gero,  bai Udalak eta baita auzokideek konponketa lanak egiteko diru-laguntza jasotzeko traba gutxiago izango lituzkete.

Auzokoekin hainbat batzar izan ditu Udalak, emango diren pausuei buruz azalpenak emateko alde batetik, eta bestetik, proiektua zehazterakoan eta garatzekoan auzokideen elkarlana, ekarpenak, proposamenak etab. oinarrizkoak izango direla adierazteko.

San Juan pasealekua berriztatzeko egin zen bezala, Udalak San Andres auzoa berriztatu ahal izateko jabetza pribatukoak diren lur batzuk ere auzoaren eta azken finean herritarren onurarako, eskuragarri izan behar dituela ere azaldu zitzaien auzokideei. Udalak auzokide guztien adostasuna izan du auzoaren berrikuntza egiteko beharrezkoak diren jabetza pribatuko lurrak lagatzeko eta erabilera publikoko lur bihurtzeko.

Auzokideekin izandako elkarrizketetan eta  beraien eskaerei  erantzunez - parte-hartzeari    eta    erabakitzeko   eskubideari   dagokionez-   Lekeitioko   Udalak   eta   gaur   egunean    Udalean   ordezkaritza  duten   alderdi   politiko eta/edo koalizioek (EHBilduk eta EAJ-PNV-k) 2017ko urtarrilaren 12an Osoko Bilkuran aho batez konpromiso agiri bat onartu zuten. Agirian hurrengo  konpromisoak hartu ziren:

1.- San Andres  auzoaren   biziberritze lanen  jarraikortasuna  bermatzeko,  Lekeitioko udalean  ordezkaritza duten  bi tolde  politikoek  auzokideekin botera,  parte  hartze aktiboa izango dute  prozesu guztian.

2.- Lekeitioko  Udalak  urbanizazio proiektua  lantzerako, zehazterako eta  onartzerako orduan   auzokideen  parte-hartzea   eta   elkarlana   bermatuko    dituela   hitz ematen  du. Proiektua  lantzerako, zehazterako  eta  onartzerako  orduan   auzokideekin  parte-hartze prozesu bat  martxan  jarriko da.

3.-  Hau   horrela,   eta   San  Andres   auzoa    biziberritzeko  proiektuak    alternatiba ezberdinak  izango  balitu,  San Andres  auzoko  auzokide-jabeek  erabakitzeko eskubidea izango  dute.  Erabakitze  eskubide  hau  kontsulta  baten  bitartez  egingo   da,  non  parte- hartzen duten  auzo-jabeen gehiengo   sinple batekin  onartuko  da  azkenean gauzatuko den  proiektua.

4.-  Lekeitioko Udalak  auzokideekin  elkarlana   eta   kooperazioa  bultzatu   nahi  ditu proiektua  zehaztu  eta  garatzekoan,  eta  horretarako behar  diren  batzarrak egingo  ditu auzoko ateta  ezberdinetako presidenteekin edo,  behar  izanez gero, auzokide  guztiekin, prozesua eta  proiektua  aurrera  doan  heinean.

Hori horrela, lurrak erregistratu egingo dira eta desjabetze dokumentuak formalizatu urbanizazio proiektua lehenbailehen hasteko.