Prozedurak Gazteria

  • Tramite informatzailea

    2.17. Gazteei zuzendutako etxebizitzen alokairurako diru-laguntza eskatzea

    Zer da? Zertan datza?

    Etxebizitza alokatzeko diru-laguntza eskatzea, urtero argitaratzen den ordenantzaren arabera.

    Nork eska dezake?

    Lekeition bizi diren 18-35 urte bitarteko gazteak edo euren legezko ordezkariak. Bete beharreko baldintza zehatzak urte bakoitzeko ordenantzan agertzen dira.

    INPRIMAKIAK

    Zelan bideratu daiteke?

    • Udaletxean aurrez-aurre: astelehenetik ostiralera 9:00etatik 14:00etara.
    • Posta elektronikoz: udala@lekeitio.eus 
    Zalantzetarako telefonoa: 946 03 41 00

    Kostua

    Udalak hartzen du bere gain gestioaren kostua.

    Tramitearen edo ebazpenaren epea

    • Urtero hilabeteko epea emango da eskaerak aurkezteko.
    • Ebazpena erabaki eta jakinarazteko gehienezko epea hiru (3) hilabetekoa izango da, diru-laguntza eskaera aurkezteko epea amaitu eta hurrengo egunetik zenbatzen hasita.

    Aurkeztu beharreko dokumentazioa

    Eskabide orria beteta (I. eranskina). 
    • a) Elkarbizitza unitateko kide diren pertsona guztien NANaren fotokopia, indarrean dagoen egoitza-txartela edo pasaportea. Adingaberik balego, Familia Liburuaren fotokopia ere eraman beharko da senidetasuna egiaztatzeko.
    • b) Etxebizitzaren alokairu-kontratuan titular bat baino gehiago badago, alokairu-kontratuaren titular guztiek haietako baten alde emandako baimena, diru-laguntza beren izenean eskatzekoa (I. ERANSKINA).
    • c) Bizikidetza unitateko bi pertsonako (gehienez) logela bat dagoela egiaztatzen duen dokumentazioa (adibidez; alokairu kontratuari atxikitutako argazkiak).
    • d) Jabetza-Erregistroaren indizeen zerbitzuak emandako ziurtagiriaren fotokopia, zeinek egiaztatu behar baitu elkarbizitza-unitateko kide guztiek betetzen dutela honako baldintza hau: jabetzako etxebizitzarik edo/eta azalera-eskubiderik eduki ez izana diru laguntza eskaera egin baino 15 egun lehenago.
      • Etxebizitza baten titular-kide izanez gero, edo etxebizitzaren baten jabea izanez gero, deialdian jasotako salbuespen bat egiaztatzen duen dokumentazioaren fotokopia. Hala nola;
        •     i) Herentzia kasuan, herentziaren onarpen-agiria eta etxebizitza-partaidetzaren eskritura.
        •     ii) Dohaintza-kasuan, dohaintza-eskritura.
        •     iii) Bi kasuetan partaidetza saldu izan balitz, eskualdatzearen eskritura.
      • Bananduta edo dibortziatuta egonez gero, deialdian jasotako kasuren bat egiaztatzen duen dokumentazioaren fotokopia (banantze-epaia, dibortzio-epaia, hitzarmen arauemailea, gurasoen eta seme-alaben arteko harremana egiaztatzen duen dokumentu legeztatua, konpentsazio-pentsioa edo mantenu-pentsioa…).
    • e) Etxebizitzaren alokairu kontratuaren kopia, diruz lagunduko den denbora-tartea bertan sartuz. Kontratuak urtebete edo gehiagoko iraunaldia izan beharko du.
    • f) Errenta aitorpena egin badute, 18 urtetik gora duten elkarbizitza-unitateko kide guztien errenta-aitorpenaren fotokopia, iragandako azken zerga-ekitaldiari dagokiona (eskabidea aurkezten den unea erreferentziatzat hartuta).
    • g) Errenta aitorpena egin ez badute, hura egitetik salbuetsita egotearen ziurtagiriaren fotokopia eta iragandako azken zerga-ekitaldiari dagozkion diru-sarrerak frogatzen duen dokumentazioa (eskabidea aurkezten den unea erreferentziatzat hartuta). Diru-sarrerarik izan ezean, horrela delako adierazpena.
    • h) 18 urtetik gorako elkarbizitza-unitateko kide guztiak Etxebideko etxebizitza eskatzaileen erregistro ofizialean alokairu-eskatzaile moduan inskribatuta daudela edo inskribatzea eskatu dutela egiaztatzen duen dokumentuaren kopia.
    • i) Etxebizitzarako prestazio osagarririk edo antzeko diru-laguntzarik jasotzen dutela egiaztatzen duen LANBIDEren egiaztagiriaren fotokopia, 18 urtetik gorako elkarbizitza-unitateko kide guztiena.
    • j) Etxebizitzan bizi diren pertsonen artean errentatzailearekin inongo lotura familiarrik ez egotearen ziurtagiria, odolkidetasun edo ahaidetasuneko bigarren mailaraino.
    • k) Administrazioarekin Gizarte Segurantzan eta zergen betebeharretan (Bizkaiko Foru Aldundia) egunean egotearen ziurtagiria.
    • l) Lekeitioko udalerriarekin inolako diru-zorrik ez izatearen ziurtagiria.
    • m) Ordaindutako alokairuko hileko-kuotak errentatzailearen banku-korrontean sartu izanaren egiaztagiriak (ez da onartuko eskudirutan egindako ordainketarik).
    • n) Diru-laguntza jasotzeko banku-korrontearen titulartasuna frogatzen duen dokumentua. Dokumentu hauetako edozeinek balio du horretarako: laburpen bankarioaren kopia, libretaren kopia, banketxeak egindako ziurtagiriak, dirulaguntza-eskabideko “Kontu-zenbakia” atalean banketxeak jarritako zigilua. 
    • o) Diru-laguntza emateko betebeharrak kontuan izanik, baliagarria izan daitekeen beste edozein agiri.

    Onartzea

    Alkateak

    Ardura daukan unitatea

    Idazkaritza
  • Tramite informatzailea

    6.01. Espazio publikoan kultura, kirol, jai edo gizarte izaera duten jarduerak antolatzeko, eta udal espazio eta baliabideak erabiltzeko baimenak

    Zer da? Zertan datza?

    Eremu publikoan, kultura, gizarte, jai, kirol… izaera duten jarduerak antolatzeko baimena eskuratzea.

    Nork eska dezake?

    Legez eratutako herriko edozein elkarteren legezko ordezkariek.

    INPRIMAKIAK

    Zelan bideratu daiteke?

    • 1) Kultur, kirol eta gizarte izaera daukaten jarduerak antolatzeko komeni da aurretiaz sail bakoitzeko arduradunarekin egotea, aurretiaz hitzordua zehaztuta.
      • Kultura: 946 24 34 82 edo kultura@lekeitio.eus 
      • Kirola: 946 24 30 05 edo kiroldegia@lekeitio.eus
      • Gizarte: 946 03 41 00 edo agurtzane-ongintza@lekeitio.eus 

    • 2) Bestelako jardueretarako:
      • Udaletxean aurrez-aurre: astelehenetik ostiralera 9:00etatik 14:00etara.
      • Posta elektronikoz: udala@lekeitio.eus   

    Zalantzetarako telefonoa: 946 03 41 00

    Kostua

    Udalak hartzen du bere gain gestioaren eta erabileraren kostua.

    Tramitearen edo ebazpenaren epea

    • Aurreikusitako epea: 15 lanegun.
    • Administrazioaren isiltasunaren ondorioa: negatiboa.

    Aurkeztu beharreko dokumentazioa

    • Udal baliabide eta espazioak erabiltzeko inprimakia beteta, ondo zehaztuta zer egin nahi den, zenbat ikusle espero diren, etab.

    Onartzea

    Alkateak

    Ardura daukan unitatea

    Dagokion saila (kultura, kirola, gizarte zerbitzuak edo idazkaritza)

  • Tramite informatzailea - Tramite informatzailea

Bilaketa aurreratua