Aurrekontuak

2019. urteko AURREKONTUAK
PARTE HARTU!

Udal Gobernutik 2019ko aurrekontuak lantzen gabiltza abenduaren amaieran aurrekontuok behin betiko onartzeko asmoarekin. 2019ko aurrekontuak 8.437.448,00 eurokoak izango dira (2018an 8.294.678,00 eurokoak izan ziren). Udal Gobernu honen apustua oinarrizko eta kalitatezko zerbitzuak bermatzen eta mantentzen jarraitzea da. Horretarako, urtero bezala, Udal Gobernuak herritarren ekarpenak, iritziak eta proposamenak kontuan izan ditu urteko plangintza egitean, partehartzea eta gardentasuna bultzatuz, "Lekeitio zeure erara" eraikitzeko.

Honetaz gain, 2019. urteko aurrekontuak proposatzerakoan udal gobernu honen irizpideak hurrengo hauek izan dira:

- Azken hauteskunde kanpainan herriarekiko hartutako konpromisoak betetzea eta urtez urte konpromiso horiek betetzeko beharrezkoak diren ekintza/programa/ zerbitzuak aurrera eramatea.

- Udal eraikinak baldintza egokietan egoteko eta hobetzeko inbertsioak egiten jarraitzea.

- Herria irisgarriagoa egitea, arazoak sortzen dituzten guneei irtenbidea ematea eta kaleen mantentze eta hobekuntza lanak burutzea.

- Hezkuntza arloan inbertitzen jarraitzea: eskolan eta Iturriotzen inbertsioak, musika eskolan inbertsioa, ikastola eta eskolako ekarpenei igoera proposatuko zaie eta abar.

Beraz, Lekeition erroldatuta bazaude eta adin nagusikoa bazara, abenduaren 14ra arte, berriz ere, bigarren aukera bat izango duzu zure ekarpenak Udaleko edozein bulegotan, www.lekeitio.eus web orrialdean, partehartzeko udal email helbidean (partehartzea@lekeitio.eus) edota whatsapp bidez (656 702 508) egiteko. Aurrekontuak osotasunean www.lekeitio.eus web orrialdean dituzu ikusgai.



LABURPENA

SARRERAK

GASTUAK