Lekeitio

Lekeitio, polita zara!
-heldubarriaren esana-
Itsasaldean,
lehor-ertzean
urdin eta berde artean.

Hondartza txairo, portu, mendi,
jokera aukeran Amandarri...
begiak pozik
ikusgarririk
politenak hor ikusirik.

Heldubarriak ezinjakin
herriaren gogo eta mamin:
azalekoa
ez da nahikoa;
barruan zuk takarakoa.

Zer dozu zerik ederrena?
Andren ta gizonen kemena.
Alkartasuna
laguntasuna,
lekittarren bihotz biguna.

Itsasoa baizen emonkor,
arnasa sendoz herri jator;
beti kantari,
begiak argi,
agur-agurka edonori.